Maũndũ Ala Tũkwĩmanyĩsya Kuma kwa Samueli

Samueli aendeeie kwĩthĩwa e mũĩkĩĩku kwa Yeova thayũnĩ wake wʼonthe. E kamwana, ndaaĩtĩkĩla kũtutya imwana sya Eli, Ovini na Vineasi, ila syaĩ na mwĩkalĩle mũthũku. (1Sa 2:22-26) Samueli nĩwaendeeie kwĩana, na Yeova aendeea kwĩthĩwa nake. (1Sa 3:19) O na akũa, Samueli aendeeie kwĩthĩwa e mũĩkĩĩku kwa Yeova, o na kau imwana syake iyaĩ ndĩkĩĩku.—1Sa 8:1-5.

Ngelekanyʼo ya Samueli ĩtonya kũtũmanyĩsya kyaũ? Ethĩwa wĩ mũndũ wa mũika, ĩthĩwa na mũĩkĩĩo kana Yeova nũeleawa mathĩna ala ũkomanaa namo na ũndũ wĩwʼaa. No aũtetheesye ũkethĩwa na ũkũmbaũ. (Isa 41:10, 13) Ethĩwa wĩ mũsyai na wĩ na mwana ũtamũthũkũmaa Yeova, no wĩwʼe wakiakiwʼa wamanya kana Samueli ndaĩ atonya kũthingʼĩĩsya syana syake iatĩĩe myolooto ya Yeova. Samueli nĩwaekeie Yeova ũndũ ũsu, na aendeea kwĩthĩwa e mũĩkĩĩku na kwoou amũtanĩthya Ĩthe wake, Yeova. Nĩvatonyeka ngelekanyʼo yaku nzeo ĩkakiita mwana waku na aimũsyokea Yeova.

ĨLOELEI VITIO ĨMANYĨSYE KUMA KWOO—SAMUELI, NA ĨNDĨ MŨISŨNGĨA MAKŨLYO AA MAATĨĨE:

• 

  Samueli oonanisye ata kana aĩ na ũkũmbaũ o na kau aĩ o kamwana?

• 

  Danny oonanisye ata kana aĩ na ũkũmbaũ?

• 

  Samueli oonanisye ata kana aĩ ngelekanyʼo nzeo e mũtumĩa mũkũũ?

• 

  Asyai ma Danny mamwĩkĩĩie ngelekanyʼo nzeo ata?