MWĨKALĨLE WA AKLĨSTO
Nĩmekĩaa Kĩthito Matũthũkũme
Asyaĩĩsya ma mũthyũlũlũko na iveti syoo nĩmendete ana-a-asa na eĩtu-a-asa kuma ngoonĩ. O ta kĩla ũmwe witũ, nĩmethĩawa na mavata a moo na mavinda angĩ nĩmanoaa, nĩmakusaa ngoo, na nĩmakwatawa nĩ mawĩmakĩo. (Yak 5:17) O na vailye ũu, kĩla kyumwa nĩmasũanĩaa mũno ũndũ matonya kũthangaasya ana-a-asa na eĩtu-a-asa kĩkundinĩ kĩla mathokeete. Kũneena wʼo, asyaĩĩsya ma mũthyũlũlũko nĩmaĩlĩte kũnengwa “ndaĩa kũndũ kwĩlĩ.”—1Ti 5:17, maelesyo ma kwongeleela.
Yĩla mũtũmwa Vaulo weekaa mĩvango ya kũthokea kĩkundi kĩla kyaĩ Lomi nĩ kana ‘akĩnenge mũthĩnzĩo mũna wa kĩ-veva,’ nĩwendaa mũno monane ‘mekĩane vinya.’ (Alo 1:11, 12) We waasũanĩa ũndũ ũtonya kwĩkĩa vinya mũsyaĩĩsya wenyu wa mũthyũlũlũko na kĩveti kyake, ethĩwa nũtwaanĩte?
ĨLOELEI VITIO, MAŨNDŨ ALA MŨSYAĨĨSYA WA MŨTHYŨLŨLŨKO ŨKOMANAA NAMO, NA ĨNDĨ MŨISŨNGĨA MAKŨLYO AA:
Nĩ maũndũnĩ ta meva asyaĩĩsya ma mũthyũlũlũko na iveti syoo monanasya kana nĩmendete ikundi kuma ngoonĩ?
We ũtethekete ata nũndũ wa kĩthito kyoo?
Tũtonya kũmekĩa vinya ata?