MAŨNDŨ MA VATA KUMA NDETONĨ YA NGAI

Ũseo wĩ Wendo wa Ngai Nũtũsianĩaa na Ũvũngũ wa Satani

Satani endaa andũ maĩkĩĩe kana Yeova nĩwe ũtumaa maũndũ mathũku mekĩka (Yovu 8:4)

Endaa tũsũanĩe kana Yeova ndethĩawa akwetye ũu witũ, twĩthĩwe nĩtũmũĩkĩĩaa kana tũimũĩkĩĩaa (Yovu 9:20-22; w15 7/1 12 ¶3)

Ũseo wĩ wendo wa Yeova nũtũtetheeasya tũikakengwe nĩ Satani na tũiendeea kwĩthĩwa twĩ aĩkĩĩku (Yovu 10:12; Sav 32:7, 10; w21.11 6 ¶14)

Mwĩĩtu-a-asa ũendeee kũsũanĩa na kũandĩka ĩũlũ wa moathimo me kĩvathũkanyʼo ala ũkwatĩte. Visa ila syĩ visanĩ ũsu syĩonanyʼa mwana-a-asa na mũka mamũetee lĩu, akumbatĩĩtwe nĩ mwĩĩtu-a-asa ũngĩ me Nyũmbanĩ ya Ũsumbĩ, na ayĩloela JW Broadcasting.

TATA KWĨKA ŨNDŨ ŨŨ: Nĩ kana ũlũlũmĩĩlye mũĩkĩĩo waku yĩla watatwa, siasya nĩ kwa nzĩa syĩva Yeova ũkwonasya ũseo wĩ wendo, ũiandĩke, na ũyĩisiasya mavinda kwa mavinda.