MWĨKALĨLE WA AKLĨSTO

Tetheesya Andũ Ala Mate ma Ndĩni Mamũmanye Mũmbi Woo

We nũemawa nĩ kũtavya ũvoo mũseo andũ mate ma ndĩni, ũisũanĩa kana nĩmatonya kũlea ũkwĩthukĩĩsya? Ethĩwa vailye ũu, lilikana kana andũ aingĩ mate ma ndĩni, o na ala maasya kũi Ngai nĩmatwʼĩkĩte Ngũsĩ sya Yeova. Mavinda maingĩ, kĩla andũ asu mendaa no kũtetheewʼa o vanini makwate ũvoo ũtonya kũmaĩkĩĩthya kana Ngai e kwʼo.—Alo 1:20; 10:14.

ĨLOELEI VITIO, LILIKANA—ANDŨ MATE MŨĨKĨĨO NO MAMESYE MŨĨKĨĨO!—ANDŨ MATE MA NDĨNI, NA ĨNDĨ MŨISŨNGĨA ĨKŨLYO YĨĨ:

Ngewa ya Tommaso yĩũtetheesya ata kwĩthĩwa na woni ũla waĩle ĩũlũ wa kũtavya ũvoo mũseo andũ ala mate ma ndĩni?

Ũsũngĩo waku

Ũtonya kwĩka ũu ata?

Ethĩwa mũndũ nĩwaelesya kana ndaĩkĩaa Ngai, ĩthĩwa na ĩnee, wĩthĩwe mũĩ, na ũyonanyʼa kana nũkwendeewʼa nĩ maũndũ ala ũkũkũelesya na ũndũ ũkwĩwʼa ĩũlũ wa ũndũ ũsu. (2Ti 2:24) Neeneai maũndũ ala matonya kũmwendeesya. We no ende mũneenee maũndũ ala maĩkĩĩthĩtye andũ aingĩ kana kwĩ Mũmbi? Ethĩwa no endeewʼe, tũmĩa mavuku na vitio ila iseũvĩtwʼe kwondũ wa ũndũ ũsu. Mbulosua Uhai—Ulitokana na Muumba? na Makũlyo Atano ma Vata Ĩũlũ wa Vala Thayũ Waumie nĩsyĩkĩĩtwe nthĩnĩ wa Syĩndũ Ila Tũtũmĩaa Mũno Kũmanyĩsya nĩ kana wĩthĩe nĩ laisi kũikwata.

Mbeenĩ, no wĩwʼe ũte ũndũ wĩ laisi kũneenea ũwʼo na mũndũ ũtaĩkĩĩaa kana kwĩ Ngai. Wĩona ata ũkaneena na mũtavanyʼa wĩ na ũmanyi mwingangĩ aũtetheesye? Lilikana kana Yeova no atũtetheesye tũkakiita ngoo sya ala mekwendeewʼa, o na ethĩwa mbeenĩ maikũĩkĩĩaa kana e kwʼo.—Mek 13:48.

Mbulosua “Makũlyo Atano ma Vata Ĩũlũ wa Vala Thayũ Waumie.”