No Tũsinde Kĩmena!

O na ethĩwa ndwaamenwa, nũtonya kwĩthĩwa wonete angĩ maimenwa. Nĩtwĩwʼaa livoti sya andũ mamenete andũ ma ngo ingĩ, makamena aũme ala makomaa na aũme na aka ala makomaa na aka, kana makamena andũ ma nthĩ ingĩ. Na nũndũ wa ũu, silikalĩ mbingĩ nĩsyumĩtye mĩao nĩ kana ala maũmĩasya angĩ nũndũ wa kũmamena, mosewe ĩtambya.

Kaingĩ andũ mamenwa o namo nĩmamenanaa. Na makothaa kũvanga kwĩyĩĩvanĩsya, na kĩu kĩituma kĩmena kĩka kũendeea.

Nĩvatonyeka ũkethĩwa wavathũlilwe, ũkaneenewa naĩ, ũkaumangwa, kana ũkatĩswʼa. Ĩndĩ andũ me kĩmena mekaa maũndũ mathũkangu kwĩ asu. Mavinda maingĩ nĩmathĩnasya ala angĩ, makamanangĩa syĩndũ syoo, makamavũa, makamakwata kya vinya, kana o na makamoaa.

Ĩkaseti yĩĩ nĩyonanĩtye ũndũ tũtonya kũsinda kĩmena, na nĩyĩsũngĩĩte makũlyo aa maatĩĩe:

• Nĩkĩ kwĩ kĩmena kingĩvĩte ũu?

• Ũtonya kũsinda kĩmena ata?

• Ve ĩvinda kĩmena kĩkavetangwa vyũ?