Ndeto sya Mbee

Kĩla vandũ ĩũlũ wa nthĩ, andũ milioni mbingĩ nĩmethĩawa na mathĩna ma kĩlĩko. Andũ aingĩ nĩmangʼangʼanaa na mathĩna asu, methĩwe nĩ anini kana nĩ akũũ, me na ũkwati wĩana ata, masomete makavika va, maumĩte mbaĩnĩ yĩva, kana nĩ ma ndĩni yĩva. Mo mathĩna ma kĩlĩko nĩ meva, na matumaa andũ mewʼa ata? Ĩkaseti yĩĩ nĩyĩũneenea vata wa kũkwata ũiiti mũseo, o vamwe na ũndũ Mbivilia ĩtonya kũtetheesya ala me na mathĩna asu kwa nzĩa syĩ kĩvathũkanyʼo.