Ũndũ Wa Kwĩmanyĩsya

Vĩtya Mbee Maũndũ Ala ma Vata

Ithyonthe tũyĩthĩawa na ĩvinda yingĩ ya kwĩmanyĩsya ithyĩ ene. Kwoou tũtonya ata kũtũmĩa ĩvinda nesa? Mbee, soma ũtasembete. No ũtetheke mũnango wasoma nesa mĩsoa mĩnini kwĩ kũsoma mĩsoa mingĩ ũsembete.

Na ĩndĩ, vĩtya mbee maũndũ ala ma vata. (Aev. 5:15, 16) Kwoona maũndũ aa matonya kũũtethya:

• Soma Mbivilia kĩla mũthenya. (Sav. 1:2) No ũtetheke mũno wambĩĩa na ilungu sya Mbivilia ila twaĩwe kũsoma ũmbanonĩ wa katĩkatĩ wa kyumwa.

• Ũmbanyʼa Ĩsomo ya Mũsyaĩĩsya na maũmbano ma katĩkatĩ wa kyumwa. Ĩyũmbanyʼe nesa nĩ kana umye maelesyo.—Sav. 22:22.

• Tata ũsiasye syĩndũ ila sya mĩtũkĩ, ta makaseti ma andũ onthe, vitio, na ũvoo ũngĩ ũla wĩ nthĩnĩ wa jw.org.

• Vangĩĩa ũndũ mũna ũkwenda kwĩmanyĩsya. No wĩke ũkunĩkĩli ĩũlũ wa thĩna mũna ũkomanĩte nawʼo, ĩkũlyo wĩ nayo, kana ũndũ wĩ Mbivilianĩ ũtonya kwenda kũũelewa nesanga. Nĩ kana ũkwate tũmaũndũ tũtonya kũũtethya, sisya kĩlungu “Maũndũ ma Kũũtetheesya Kwĩmanyĩsya Mbivilia,” kĩla kĩ jw.org/kam.