Ngewa

Kwĩwʼĩa Andũ Onthe Ĩnee

Mũthenya ũmwe, mwĩĩtu-a-asa ũmwe wa New Zealand nĩweeloelile vitio yĩ na kyongo, “Sũvĩanai Inywʼĩ kwa Inywʼĩ,” ĩla yĩeleetye ũndũ Yeova wonanasya kana nũtwĩwʼĩaa ĩnee. (Isa. 63:​7-9) Nĩwatwie kũatĩĩa kĩla weemanyĩisye kwa kũmantha myanya ya kũtetheesya angĩ. Mũthenya o ũsu aithooa mboka, nĩwakomanie na mũndũ mũka ũtaĩ na vandũ va kwĩkala na eyumya amũthooee lĩu. Mũndũ mũka ũsu nĩweetĩkĩlile. Na yĩla mwĩĩtu-a-asa ũsu wasyokie akuĩte lĩu, nĩwamumĩisye ũkũsĩ o kwa ũkuvĩ atũmĩĩte tulakiti Mo Mathĩna Makathela?

Mũndũ mũka ũsu nĩwambĩĩie kũĩa. Aisye kana aeiwe nĩ asyai Ngũsĩ ĩndĩ ndaaĩka maendeeo. Ĩndĩ kwa ĩvinda ya mĩthenya mĩvũthũ, nĩweethĩĩtwe aimũvoya Yeova amũtetheesye kũmũsyokea. Mwĩĩtu-a-asa ũsu nĩwamũnengie Mbivilia na eeka mĩvango mambĩĩe kwĩmanyĩsya.a

No tũatĩĩe ngelekanyʼo ya Yeova ya kwonyʼa ala angĩ nĩtũũmewʼĩa ĩnee, na asu nĩ vamwe na andũ ma mũsyĩ na ana-a-asa na eĩtu-a-asa kĩkundinĩ. Na no twĩke ũu kwa kũmantha myanya ya kumĩsya angĩ ũkũsĩ.