Visa no Iũmanyĩsye Maũndũ Maingĩ

Mavuku maitũ methĩawa na visa mbingĩ itũmanyĩasya maũndũ ma vata. Ũtonya kũĩkĩĩthya ata kana nĩsyaũmanyĩsya maũndũ maingĩ?

• Ũtanamba kũsoma kĩlungu kĩna, amba kũsisya visa ila syĩvo. Visa no itume wenda kũsoma kĩlungu kĩu. Yĩla woona lĩu wĩ mũyo ĩsaaninĩ, nũkwatawa nĩ mea ma kũũya. O ta ũu, no wĩthĩwe na mea maingangĩ ma kũsoma kĩlungu kĩna ethĩwa nĩwamba kũsisya visa mbee. Kwoou ĩkũlye-ĩ, ‘Nĩ kyaũ nene?’—Amo. 7:​7, 8.

• Yĩla ũũsoma kĩlungu kĩu, sũanĩa nĩkĩ visa ila syĩvo syĩkĩĩtwe. Soma ndeto ila syĩ ĩtheo wa visa kana maelesyo ma visa ethĩwa me vo. Sũanĩa ũndũ visa mũna ũkonanĩtye na kĩla kĩneenewe na ũndũ ũtonya kũtũmĩa kĩla visa ũsu waũmanyĩsya.

• Ĩtina wa kũsoma kĩlungu kĩna, sisya visa ĩngĩ nĩ kana iũtetheesye kũlilikana maũndũ ala manene. Lalya na ũitata kũsũanĩa kĩla woona visanĩ na kĩla ũ visa waũmanyĩsya.

• Wĩona ata ũkasisya ĩngĩ visa ila syĩ ĩkasetinĩ yĩĩ na ũitata kwona ethĩwa no ũlilikane maũndũ ala iũkũmanyĩsya?