Ngai Nĩwe Ũtũeteae Mathĩna?

Ũndũ Mbivilia yaasya

Mbivilia yonanasya nesa vyũ kana Ngai tiwe ũetae mathĩna! Yeova Ngai ayũmba andũ ndavangĩte mathĩnae. Ĩndĩ asyai maitũ ma mbee nĩmaleile kũsumbĩkwa nĩ Ngai, na kwoou matwʼa kwĩnyuvĩa ũseo na ũthũku. Nĩmamũtiie Ngai na kwondũ wa ũu makwata nĩ maũndũ mathũku.

Ũmũnthĩ tũthĩnaa nũndũ wa ũtwi ũsu mũthũku meekie. Ĩndĩ Ngai tiwe wumanaa na mathĩna ala matũkwataa.

Mbivilia yaĩtye atĩĩ: “Mũndũ o na wĩva atatwa ndakasye, Nĩngũtatwa nĩ Ngai; nũndũ Ngai ndatonya kũtatwa nĩ ũthũku, o nake mwene ndatataa mũndũ.” (Yakovo 1:13) Mathĩna nĩmatonya kũkwata mũndũ o na wĩva, o na ala Ngai ũmetĩkĩlĩte.