Mbivilia Ĩmanyĩasya Ata?

Ngai nĩwe ũtumaa andũ mathĩna?

We ũtonya kũsũngĩa ata?

• Ĩĩ

• Aiee

• Nĩvatonyeka

Ũndũ Mbivilia yaasya

“Nĩkwĩthĩwe kũasa na Ngai, atĩ eke ũthũku, Na kũasa na Mwene Vinya Wʼonthe, atĩ eke naĩ.” (Yovu 34:10) Ngai tiwe ũetae mothũku na mathĩna ala makwataa andũ ũmũnthĩ.

Nĩ ũndũ ũngĩ mwaũ tũkwĩmanyĩsya kuma Mbivilianĩ?

• Satani, ũla nĩwe Ndevili, “mũnene wa nthĩ” ĩno, nĩwe ũetae mathĩna.—Yoana 14:30.

• Ũndũ ũngĩ ũtumaa ũthũku na mathĩna methĩwa ĩũlũ wa nthĩ nĩ motwi mathũku ala andũ mekaa.—Yakovo 1:14, 15.

Mo mathĩna makathela?

Andũ amwe maĩkĩĩaa kana andũ makethĩwa na ngwatanĩo, no mamine mathĩna, namo angĩ mayonaa ne ũndũ wĩ laisi maũndũ kwĩsa kũalyũka ĩũlũ wa nthĩ. We wĩ na woni mwaũ?

Ũndũ Mbivilia yaasya

Ngai akamina mathĩna. “Kĩkwʼũ kĩikethĩwa vo ĩngĩ; o na kũikethĩwa ĩngĩ kũmeta, kana kũĩa, kana woo.”—Ũvuanʼyo 21:3, 4.

Nĩ ũndũ ũngĩ mwaũ tũkwĩmanyĩsya kuma Mbivilianĩ?

• Ngai akamũtũmĩa Yesũ kũmina mathĩna ala Ndevili ũetete.—1 Yoana 3:8.

• Andũ ala aseo makekalaa na mũuo ĩũlũ wa nthĩ tene na tene.—Savuli 37:9-11, 29.