• Ũndũ Mũsyĩ Ũtonya Kũũngamĩwa
    NĨ kyaũ kĩtonya kũtuma mũsyĩ wĩthĩwa na ũtanu?

    • 16, 17. (a) Nĩ mwĩao wĩva Yeova wanengete Aisilaeli ũla wamasiĩanĩaa na mowau mana? (b) Mwolooto ũla wĩ ĩandĩkonĩ ya Kũtũngĩlĩlwa Kwa Mĩao 23:12, 13 ũtonya kũtũmĩka ata nthĩnĩ wa mĩsyĩ yonthe?

      16 Kwasũanĩa ngelekanyʼo ĩngĩ. Myaka ta 3,500 mĩvĩtu, Ngai nĩwanengie Aisilaeli mĩao ya kũmatetheesya nthĩnĩ wa ũthaithi, na nthĩnĩ wa maũndũ ala meekaa kĩla mũthenya. Mĩao ĩsu nĩyamatetheeasya kwĩsiĩanĩa na mowau, nũndũ nĩyamaeleetye maũndũ mana ma vata ĩũlũ wa ũtheu. Ũmwe katĩ wa mĩao ĩsu wonanĩtye ũndũ Aisilaeli maaĩle kwĩka mamina kwĩtethya. Ĩla mũndũ wenda kwĩtethya aaĩle kũthi nza wa vala andũ mambĩte maeema. Amina kwĩka ũu aaĩle kũvwʼĩka kyoo kyake nĩ kana ndakavukye vandũ vau andũ mekalaa. (Kũtũngĩlĩlwa Kwa Mĩao 23:12, 13) O na vala ũtao ũsu nĩ wa tene, no ũtũmĩke ĩvindanĩ yĩĩ. Ũmũnthĩ andũ aingĩ nĩmawaaa na makakwʼa nũndũ maiũatĩĩaa.a

  • Ũndũ Mũsyĩ Ũtonya Kũũngamĩwa
    NĨ kyaũ kĩtonya kũtuma mũsyĩ wĩthĩwa na ũtanu?

    • a Nthĩnĩ wa ĩvuku yĩmwe yĩeleetye ũndũ andũ matonya kwĩsiĩanĩa na ũwau wa kwĩtũũa, ũla ũaaa syana mbingĩ nini, Ngwatanĩo ya Nthĩ Yonthe ya Ũima wa Mwĩĩ ĩwetete ndeto ii: “Ethĩwa vai kyoo, ĩtethesye vaasa na vala wĩkalaa, vaasa na vala syana ithaũkĩaa, na mita ta 10 kuma vala vautawa kĩwʼũ. Wamina kwĩtethya, vwʼĩka kyoo kyaku na mũthanga.”