-
Yeova Ailye Ata?Tanĩa Thayũ Tene na Tene!—Masomo ma Mbivilia Matonya Kũũtethya
-
-
3. Yeova onanasya ata kana nũtwendete?
Nguma ĩla nene vyũ ya Yeova nĩ wendo. O na eka ũu, Mbivilia yaĩtye “Ngai nĩ wendo.” (1 Yoana 4:8) Yeova onanĩtye kana e wendo kwĩsĩla Ndeto yake Mbivilia na kwĩsĩla syĩndũ ila woombie. (Soma Meko ma Atũmwa 14:17.) Kwa ngelekanyʼo, kwasũanĩa ũndũ watũmbie. Nũtũnengete ũtonyi wa kwona malangi manake, kwĩwʼa tũwathi tũseo, na kũsama malĩu me mũyo. Kwa wʼo, endaa tũtanĩe thayũ.
-
-
Ũndũ Ndĩni sya Ũvũngũ Syanangĩaa Ngai ĨsyĩtwaTanĩa Thayũ Tene na Tene!—Masomo ma Mbivilia Matonya Kũũtethya
-
-
2. Ndĩni sya ũvũngũ syanangĩĩte Ngai ĩsyĩtwa ata kwĩsĩla meko masyo?
Ndĩni sya ũvũngũ iikuaa andũ nesa ũndũ Yeova ũmakuaa. Mbivilia yaasyaa kana naĩ sya ndĩni sya ũvũngũ, “nĩsingĩvĩte nginya ikavika ĩtunĩ.” (Ũvuanyʼo 18:5) Kwa myaka mingĩ ndĩni nĩsyĩthĩĩtwe iyĩlikya siasanĩ, ikakwata mbau kaũ, na ikatuma andũ aingĩ makwʼa. Atongoi amwe ma ndĩni mendaa kwĩthĩwa me athwii mũno, na nũndũ wa ũu maithingʼĩĩsya aatĩĩi moo mamanenge mbesa. Kĩu kĩonanyʼa kana maimwĩsĩ Ngai o na vanini, na kwoou mayaĩlĩte kwĩtanĩwʼa na ĩsyĩtwa yake.—Soma 1 Yoana 4:8.
-