• Lũmanyʼa na Yeova
    Tanĩa Thayũ Tene na Tene!—Masomo ma Mbivilia Matonya Kũũtethya

    • Ĩloelei VITIO.

      VITIO: Umai Nthĩnĩ wa Mbaviloni Ĩla Nene! (5:06)

      Maũndũ maumĩtwʼe vitionĩ yĩ na kyongo ‘Umai Nthĩnĩ wa Mbaviloni Ĩla Nene!’ Mũmanyĩwʼa wa Mbivilia ũkũtaanĩsya na mũthembi ĩtina wa kũkola wĩa ũla ũnathũkũmaa vau kanisanĩ.

      Somai Luka 4:8 na Ũvuanyʼo 18:4, 5, na ĩndĩ mũisũngĩa makũlyo aa:

      • Ndĩninĩ ĩla nĩnaendaa nĩmesĩ vyũ kana yu ndi ũmwe woo?

      • Nĩvatonyeka ngethĩwa nĩ nthĩnĩ wa kĩkundi kana ũseũvyo ũkonanĩtye na ndĩni ĩngĩ?

      • Nĩvatonyeka wĩa ũla nthũkũmaa ũkethĩwa ũkwataa mbau ndĩni ya ũvũngũ kwa nzĩa o na yĩva?

      • Ve maũndũ angĩ thayũnĩ wakwa naĩle kwĩka nĩ kana nĩvathane vyũ na ndĩni ya ũvũngũ?

      • Ethĩwa ũsũngĩo nĩ ĩĩ, o na ethĩwa no ĩkũlyo yĩmwe katĩ wa asu, nĩ moalyũku meva naĩle kwĩka?

      Maũndũnĩ onthe ala ũkwĩka, ĩkaa ũtwi ũũkũtia na wasya mũtheu wa ngoo, na ũkwonanyʼa kana nũlũmanĩtye na Yeova.

      Mwĩĩtu-a-asa na kamwana kake maumaalĩte ndukanĩ. Nĩmavĩtũka mũndũ mũka ũkũsangĩthya mbesa sya kũtethya wĩa mũna wa kanisa.

      We ũtonya kwĩka ata ũkewa umye mbesa itetheesye ũndũnĩ mũna wa ndĩni?

      ANDŨ AMWE MAASYA: “Nyie no nende kũmanya kĩla akaĩi ma mũĩkĩĩo maasya ĩũlũ wa Ngũsĩ sya Yeova nĩ kana nĩmanye ũndũ ndonya kũtetea ũwʼo.”