ĨSOMO YA 11

Kũneena wĩ Mũthangaau

Alomi 12:11

KWA ŨKUVĨ: Ĩkĩa ethukĩĩsya maku vinya na ũimathangaasya kwa kũneena wĩ mũthangaau, kana wĩ mũsanzamũku.

Kĩla ũũneena kyume ngoonĩ. Yĩla ũkwĩyũmbanyʼa kumya ũvoo waku, sũanĩa nĩkĩ ũvoo ũsu nĩ wa vata. Ĩthĩwa wĩsĩ nesa ũvoo waku wĩthĩe no ũneene kuma ngoonĩ vandũ va kũsoma.
Sũanĩa ethukĩĩsya maku. Sũanĩa ũndũ kĩla ũũsoma kana kĩla ũũmanyĩsya kĩtonya kũtethya ala angĩ. Sũanĩa nzĩa ila ũtonya kũtũmĩa kumya ũvoo nĩ kana ethukĩĩsya maku mone wĩ wa vata.
Umya ũvoo kwa nzĩa ĩkũkiita ethukĩĩsya. Neena wĩ mũthangaau. Tũmĩa nesa moko kana ũthyũ kwonanyʼa ũndũ ũkwĩwʼa.

Ĩthĩwa wĩ metho ndũkelelũkye ethukĩĩsya maku nũndũ wa kũtindĩa kwĩka o ũndũ ũmwe. Tũmĩa moko kana ũthyũ kwa nzĩa ĩla yaĩle. Neena wĩ mũthangaau yĩla ũkwenda kũmanyĩsya ũndũ ũla mũnene na yĩla ũkwenda kwĩkĩa ethukĩĩsya vinya mose ĩtambya. Ndũkanosye ethukĩĩsya maku kwa kũneena wĩ mũthangaau kuma mwambĩĩonĩ wa ũvoo waku nginya mũthya.