ĨSOMO YA 15

Kũneena Ũte na Nzika

1 Athesalonika 1:5

KWA ŨKUVĨ: Onanyʼa kana nũĩkĩĩe vyũ ũla wʼo, na nũĩkĩĩe vyũ kana kĩla ũũneenea nĩ kya vata.

Ĩyũmbanyʼe nesa. Soma ũvoo waku nesa nginya ũelewe maũndũ ala manene na ũndũ Mbivilia yonanĩtye kana nĩ ma wʼo. Tata ũelesye maũndũ ala manene ũvoonĩ waku ũitũmĩa o ndeto syĩ laisi. Sũanĩa ũndũ ũvoo ũsu ũtonya kũtetheesya ethukĩĩsya maku. Voya ũkwate veva mũtheu.

Yĩla ũkwĩyũmbanyʼa, umya ũvoo waku kwa wasya wĩ o weka nĩ kana ũelewe ũvoo ũsu nesa, na ũyĩthĩwa ũtonya kũwumya kwa nzĩa nzeo.
Tũmĩa ndeto ikwonanyʼa ndwĩ na nzika. Vandũ va kũsoma ndeto ila syĩ ũvoonĩ, tũmĩa ndeto syaku mwene. Tũmĩa ndeto ikwonanyʼa nũĩkĩĩe kĩla ũũneenea.
Neena kuma ngoonĩ. Neena na wasya wĩanĩtye. Sisya ethukĩĩsya maku yĩla ũkumya ũvoo, ethĩwa ti ũthũku kwĩka ũu.

Kũneena ũte na nzika ti ũndũ ũmwe na kũneena ũte na ndaĩa, wĩ na mĩngʼathĩlĩĩlyo, kana kũingĩĩsya andũ metĩkĩlane naku. O na ethĩwa wĩneena ũte na nzika, neena na ethukĩĩsya maku kwa nzĩa ĩkwonanyʼa nũmendete.