Andũ ma Kĩ-veva Nĩmekaa Motwi Maseo

Soma Mwambĩlĩlyo 25:​29-34 wone ethĩwa Esau na Yakovo nĩmeekie motwi maseo.

Ĩka ũkunĩkĩli ũmanye kĩla kyaendeee. Nĩ kyaũ kyaĩ kĩkĩkĩte? (Mwa. 25:​20-28) Nĩ kyaũ kyeekĩkie ĩtina wa vau?—Mwa. 27:​1-46.

Ĩka ũkunĩkĩli ũkwate ũvoo mwingangĩ. Ĩvindanĩ yĩu, ĩkithathi yaĩ na ianda syĩva?—Mwa. 18:​18, 19; w10-SW 5/1 13.

• Yo yaĩ no nginya mũndũũme ethĩwe ĩkithathi nĩ kana atwʼĩke ũmae wa Masia? (w17.12 14-15)

Vindĩĩsya maũndũ ala weemanyĩsya na ũimatũmĩa. Nĩkĩ Yakovo woonaa kĩanda kya kwĩthĩwa e mwana wa mbee kĩ kya vata kwĩ ũndũ Esau wakyonaa? (Aevl. 12:​16, 17; w03-SW 10/15 28-29) Yeova amonaa ata, na nĩkĩ? (Mal. 1:​2, 3) Nĩ kyaũ Esau waĩ atonya kwĩka kĩvathũkanyʼo na kĩla weekie, nĩ kana eke motwi maseango?

• Ĩkũlye-ĩ, ‘Ndonya kwonanyʼa ata kana nĩnonaa maũndũ ma kĩ-veva me ma vata yĩla ngũtwʼa ũndũ ngũtũmĩa kyumwa kyakwa, ta yĩla ngũvangĩthya ũthaithi wa mũsyĩ?’