Noa Tɔm Sɔzʋʋ-ðʋ Lɔŋ

Yehowa ɛɛkaɣ haʋ ɛyaa kɩdɛkɛdaa nʋmɔʋ se pɛwɛɛkɩ Paradisuu. Ɛ-taabalaa yeke kaɣnɩ wɛʋ Paradisuu taa. Ɛbɛ kaɣ talʋʋ ɛyaa kɩdɛkɛdaa? Ye ŋcaɣ ŋtɩlɩ yɔ, welisi Noa tɔm. Noa kaacaɣ wezuu, pɩnzɩ kudokiŋ yɔ. Ɛɛkɛ ɛyʋ kɩbanʋ siŋŋ weyi ɛñakaɣ pana nɛ ɛlakɩ Yehowa sɔɔlɩm yɔ. Ŋgʋ, ɛyaa lɛlaa lakaɣ kɩdɛkɛdɩm. Pɩ-yɔɔ Yehowa heyi Noa se ɛnʋ yeki tɛʋ sɔsɔʋ nakʋyʋ nɩɩ nɛ lɩm wadɩ nɛ pʋkʋ ɛyaa kɩdɛkɛdaa mba pa-tɩŋa. Peeɖe eheyi Noa se ɛsaɣ mɛlɛ nɛ ɛ nɛ ɛ-hɔʋ pataasɩ alɩwaatʋ ndʋ lɩm mbʋ pɩwadɩɣ yɔ.—Kiɖe Tɛɛ Tɔm 6:9-18.

Noa nɛ ɛ-hɔʋ pasaɣ mɛlɛ. Noa mabɩ kubuka nɛ eheyi ɛyaa se tɛʋ sɔsɔʋ kaɣ nɩʋ nɛ lɩm wadɩ, ɛlɛ pa-taa nɔɔyʋ tikemni-i. Pɛwɛɛ palakɩ kɩdɛkɛdɩm mbʋ. Pɛtɛm mɛlɛ saɣʋ lɛ, Noa sʋzɩ kpɩna kɩ-taa nɛ pʋwayɩ lɛ, ɛ nɛ ɛ-hɔʋ pasʋʋ kɩ-taa ɖɔɖɔ. Peeɖe Yehowa yebi tɛʋ sɔsɔʋ nakʋyʋ nɩɩ kɩyakɩŋ 40 nɛ ɖoo 40. Nɛ lɩm wadɩ tɛtʋ kpeekpe yɔɔ.—Kiɖe Tɛɛ Tɔm 7:7-12.

Ɛyaa kɩdɛkɛdaa kaasɩba, ɛlɛ Noa nɛ ɛ-hɔʋ paahiɣ ñʋʋ yabʋ. Yehowa ɛɛkɔnɩ tɛʋ sɔsɔʋ se ɛhɩzɩ kɩdɛkɛdɩm tɛtʋ yɔɔ lɛ, eehuzi Noa nɛ ɛ-hɔʋ yɔɔ. (Kiɖe Tɛɛ Tɔm 7:22, 23) Bibl yɔɔdaa se pɩkazɩ pazɩ Yehowa kaɣ ɖezuu ɛyaa mba pekizi kɩbam labʋ yɔ. Paakaɣ ɖezuu ɛyaa kɩbama. Pakaɣ caɣʋ wezuu tam Paradisuu taa tɛtʋ yɔɔ.—2 Pɩyɛɛrɩ 2:5, 6, 9.

Ɛyaa sakɩyɛ lakɩ kɩdɛkɛdɩm sɔnɔ, pɩ-yɔɔ kɩdɛkɛdɩm su ɛjaɖɛ yɔɔ. Yehowa tiyiɣ ɛ-Aseɣɖe tɩnaa ɖoŋ ɖoŋ se peheyi ɛyaa se nabʋyʋ kaɣ labʋ ɛlɛ paawelisiɣ. Paacaɣ pɛlɛɣzɩ pa-lakasɩ. Paatisiɣ ndʋ Ɛsɔ yɔɔdʋʋ kɩbam labʋ nɛ kɩdɛkɛdɩm labʋ yɔ, tɩ-yɔɔ. Ɛbɛ kaɣ ɛyaa mba talʋʋ? Pakaɣ lɛɣzʋʋ wiɖiyi na? Sakɩyɛ ɩɩkaɣ lɛɣzʋʋ kpa. Pɩkazɩ pazɩ pakaɣ ɖezuu ɛyaa kɩdɛkɛdaa.—Keɣa 91:8.

Paakaɣ yɔɔkʋʋ tɛtʋ; tɩkaɣ pɩsʋʋ paradisuu. Mba pɛkɛ Ɛsɔ taabalaa yɔ, pakaɣ caɣʋ tam Paradisuu taa tɛtʋ yɔɔ.—Keɣa 36:29.