Mba Kɛ Ɛsɔ Koyindinaa?

Ɛsɔ koyindu kajalaɣ tʋ lɛ Sataŋ Yiliyu. Ɛkɛ Ɛsɔ tiyiyu weyi ɛkʋyɩ Yehowa yɔɔ yɔ. Sataŋ ɖiɣni lɛkʋʋ Ɛsɔ liu tɛɛ halɩ nɛ sɔnɔ. Eɖiɣni ɖɔɖɔ ɖʋʋ ɛyaa tɩlasɩ sɔsɔsɩ taa. Sataŋ kɛ kɩdɛkɛdʋʋ. Ɛkɛ cɛtɩyʋ nɛ ɛyaa kʋyʋ.—Yohanɛɛsɩ 8:44.

Ɛsɔ tiyiyaa lɛlaa tɩŋ Sataŋ wayɩ nɛ papɩsɩ ɖɔɖɔ Ɛsɔ koyindinaa. Bibl yaɣ-wɛ se aleewaa. Aleewaa kɛ ɛyaa koyindinaa ɛzɩ Sataŋ maɣmaɣ yɔ. Pɔsɔɔlɩ ɛyaa nazʋʋ. (Maatiyee 9:32, 33; 12:22) Yehowa kaɣ ɖezuu Sataŋ nɛ ɛ-aleewaa. Patɩtasɩ wɛnʋʋ alɩwaatʋ sakɩyɛ se panazɩ ɛyaa.—Natʋ 12:12.

Ye ŋñɩnɩɣ ŋkɛ Ɛsɔ taabalʋ yɔ, taala Sataŋ sɔɔlɩm. Sataŋ nɛ aleewaa ɩɩnaɣ Yehowa nɛ ɛzɩyɛ. Pɛkɛ Ɛsɔ koyindinaa nɛ pañakɩ pana se ña-ɖɔɖɔ ŋpɩsɩ Ɛsɔ koyindu. Anɩ ŋñɩnɩɣ ñɔ-tɔm ɛkɛdɩna? Sataŋ yaa Yehowa? Ye ŋñɩnɩɣ se ŋcaɣ wezuu maatɛŋ yɔ, pʋpɔzʋʋ ŋla Ɛsɔ sɔɔlɩm. Sataŋ tɩŋɩɣnɩ kpacanaa nɛ nʋmɔŋ ndɩ ndɩ yɔɔ nɛ ehikiɣ ɛyaa. Sakɩyɛ tɔlɩ ɛ-kpacanaa taa.—Natʋ 12:9.