Ŋpɩzɩɣ ŋhiɣ tamtam wazasɩ nzɩ sɩlɩnɩ Ɛsɔ sɔɔlɩm tʋ cɔlɔ yɔ

• Ŋsɔɔlaa se ɛjaɖɛ yɔɔ yoŋ, puuyaɣ lakasɩ, nɛ ɖama kɩɩnɩnʋʋ ɛsɩɩ tɩnaɣ na?

• Ŋsɔɔlaa se nɔɔyʋ ɛtaahɩnɩ kʋdɔŋ, ɛtaatɔɔ kʋñɔŋ, nɛ ɛtaasɩ na?

• Ŋsɔɔlaa se ŋhɛzɩnɩ sɔɔndʋ nɛ nɩɣzɛ na?

• Ŋsɔɔlaa se ŋcaɣ ɖenɖe asɛyɩŋ nɩɩyɩ ɩɩkaɣ-ŋ talʋʋ yɔ?

Ðɛ-Ɛsɔ sɔɔlɩm tʋ, Weyi ɛlɩzɩ kedeŋa nɛ kɛwɛɛ kajʋka yɔ, ɛlabɩ tamaɣ se eyeki nɛ ɛyaa caɣ wezuu laŋhɛzɩyɛ nɛ koboyaɣ taa tam. Pɩtɩkɛ ɖoziye tɔm.

Tɔm ñʋŋ weyi ɩkɔŋ yɔ ɩ-taa, ɖiseɣtiɣ-ŋ se ŋtazɩ nɛ ŋna:

• Ɛzɩma Ɛsɔ maɣzɩɣ ɛyaa yɔɔ yɔ

• Ndʋ Ɛsɔtɔm heyiɣ-ɖʋ yɔ

• Tɔm ndʋ nayaa yɔɔdaa pɩlɩɩnɩ Ɛsɔ lidaʋ tɔm yɔɔ yɔ

• Mbʋ ɖɩpɩzɩɣ ɖɩla nɛ ɖɩwɛɛ koboyaɣ taa lɛɛlɛɛyɔ nɛ ɖihiɣ tamtam wazasɩ alɩwaatʋ ndʋ Ɛsɔ ɖʋwa yɔ tɩ-yɔɔ yɔ

Kajalaɣ lɛ, iyele nɛ ɖɩna ɛzɩma ɖa-Lɩzɩyʋ maɣzɩɣ ɖɔ-yɔɔ yɔ.