Piya evelisi—Iheyi mɩ-laŋɩyɛ taa tɔm mɩ-lʋlɩyaa

Ɛbɛ yɔɔ pɩwɛɛ se ŋñakɩ pana nɛ ŋheyiɣ ña-lʋlɩyaa ña-lɩmaɣza? (Adu 23:26) Mbʋ pʋyɔɔ yɔ, Yehowa ɖʋ-wɛ tʋmɩyɛ se pɔcɔnɩ ñɔ-yɔɔ nɛ peɖiyi-ŋ. (Keɣa 126:3, 4) Pɩwɛɣ-wɛ kaɖɛ se pasɩnɩ-ŋ ye ŋŋheyiɣ-wɛ ña-lɩmaɣza nɛ ña-kɩcɛyɩm yɔ. Pɩtasɩ lɛ, ŋŋyeki se lɔŋ weyi pɛkpɛlɩkɩ pe-wezuu caɣʋ taa yɔ ɩwazɩ-ŋ. Ɛlɛ ye ŋŋheyiɣ-wɛ ña-lɩmaɣza tɩŋa yɔ, pɩkɛ kɩwɛɛkɩm na? Aayɩ, ye ŋŋmɛsɩɣ-wɛ tɔm ndʋ pɩpɔzʋʋ se patɩlɩ yɔ, pʋbʋ lɛ pɩtɩwɛɛkɩ pʋyʋ.—Adu 3:32.

Ɛzɩma ŋpɩzɩɣ nɛ ŋyɔɔdɩnɩ ña-lʋlɩyaa? Ñɩnɩ alɩwaatʋ ndʋ ŋnawa se papɩzɩɣ nɛ pewelisini-ŋ camɩyɛ yɔ nɛ ña-maɣmaɣ ŋpɩzɩɣ nɛ ŋyɔɔdɩnɩ-wɛ camɩyɛ ɖɔɖɔ yɔ. Ye pɩwɛ-ŋ kaɖɛ se ŋyɔɔdɩnɩ-wɛ yɔ, ŋpɩzɩɣ nɛ ŋma pa-taa nɔɔyʋ takayaɣ nɛ ŋheyi-i ña-lɩmaɣza. Ye pacaɣ se ña nɛ wɛ ɩyɔɔdɩ tɔm natʋyʋ ɛlɛ ŋtɩsɔɔlɩ tɩ-yɔɔdʋʋ yɔ, ɛbɛ ŋpɩzɩɣ nɛ ŋla? Taasɔɔ se pɔsɔɔlɩ kpem se pasɩnɩ-ŋ. Taakpaɣ ña-lʋlɩyaa ɛzɩ ño-koyindinaa yɔ, ɛlɛ kpaɣ-wɛ ɛzɩ ña-taabalaa yɔ. Pana wena ŋñakɩ se ŋheyi ña-lʋlɩyaa ña-lɩmaɣza yɔ, akaɣ-ŋ wazʋʋ ñe-wezuu caɣʋ kpeekpe taa; nɛ halɩ pɩkaɣ yebu nɛ ŋhiɣ wezuu maatɛŋ!—Adu 4:10-12.

CƆNƖ VIDEO ALƖWAATƲ NDƲ MƐNKƐ PƖƔA EVELAƔ YƆ—ƐZƖMA MANPƖZƖƔ NƐ MƆYƆƆDƖNƖ MA-LƲLƖYAA?, NƐ PƲWAYƖ LƐ ŊCOSI TƆM TƲNƐ TƖ-YƆƆ:

• 

  Suwe Esther nɛ Partik pɔyɔɔdɩ pa-maɣmaɣ pɔ-hɔɔlʋʋ taa?

• 

  Ɛbɛ ɖɩpɩzɩɣ nɛ ɖɩkpɛlɩkɩ Yesu kɩɖaʋ taa?

• 

  Ɛzɩma ña-lʋlɩyaa wɩlaa se pamaɣzɩɣ ñɔ-yɔɔ?

• 

  Bibl paɣtʋ kila wena pɩzɩɣ nɛ asɩnɩ-ŋ nɛ ŋyɔɔdɩnɩ ña-lʋlɩyaa?