Ɩhɔzɩ ɛyʋtʋ kɩbɩndʋ nɛ isuu ɛyʋtʋ kɩfatʋ

3:5-14

Kpaɣnɩ alɩwaatʋ ndʋ ŋkɔm toovenim taa yɔ, ŋlabɩ lɛɣzɩtʋ sɔsɔtʋ natʋyʋ? Ye mbʋ yɔ, ña-taa pɩzɩɣ pɩtɛ se Yehowa taa wɛnɩ-ŋ leleŋ. (Eze 33:11) Ɛlɛ pɩcɛyaa se ɖɩwɛɛ pana ñaɣʋ yɔɔ pʋcɔ nɛ ɖikizi ɛyʋtʋ kɩbɩndʋ lakasɩ nɛ ɖiwolo pɩ-yɔɔ nɛ ɖɩwɩlɩɣ ɛyʋtʋ kɩfatʋ lakasɩ. Cosi tɔm ndʋ tɩkɔŋ yɔ tɩ-yɔɔ nɛ pɩsɩnɩ-ŋ nɛ ŋna hɔɔlɩŋ weyi ɩ-taa pɩpɔzʋʋ se ŋtasɩ pana ñaɣʋ yɔ:

• Ye nɔɔyʋ ɛyʋtɩnɩ-m, mancakɩnɩ-ɩ?

• Mawɩlɩɣ se mɛwɛ suuɖu halɩ pɩkpɛndɩnɩ alɩwaatʋ ndʋ pɩlaɣzɩɣ-m yaa pɩnɩ-m yɔ?

• Ye wezuu kɩdɛkɛdʋʋ caɣʋ lɩmaɣza ɩkɔm ma-ñʋʋ taa, mɔlɔʋ-yɛ kpaagbaa?

• Mɛwɛnɩ lɩmaɣza kɩdɛkɛda ɛyaa mba po-tomnaɣ tɔlɩm yaa pa-ajɛɛ wɛ ndɩ yɔ pɔ-yɔɔ?

• Pitileɖi yɔ, mantɩpɩzɩ mɔnɖɔkɩ man-tɩ nɛ mɔyɔɔdɩnɩ nɔɔyʋ nɛ pana na?