Ɛyaa mba pɛwɛ siɣsiɣ yɔ, pɔɖɔŋ po-ɖuutu yɔɔ

Kalɩ Tɔm Hʋyaa 11:​30-40 nɛ ŋkpɛlɩkɩ lɔŋ kɛdaɣ ŋga kɔyɔɔdʋʋ Yɛftee nɛ ɛ-pɛlɛ pɔ-tɔm yɔ ka-taa. Kɛdaɣ ŋga kawɩlɩɣ se pɩcɛyaa se ɖɩɖɔ ɖo-ɖuutu yɔɔ.

Ñɩnɩ nɛ ŋna tɔm ndʋ tɩcɔ masɩ nzɩ nɛ tɩta yɔ. Lɩmaɣza wena Izrayɛɛlɩ mba kaawɛnɩ ɖuutu ndʋ poɖuki Yehowa ɛsɩndaa yɔ tɩ-yɔɔ? (Kɩg. 30:2) Ɛzɩma Yɛftee nɛ ɛ-pɛlɛ pawɩlaa se pɛwɛnɩ tisuu Yehowa yɔɔ?—Tɔh. 11:​9-11, 19-24, 36.

Tazɩ nɛ pilimi. Tɔm ndʋ yɔɔ Yɛftee maɣzaɣ alɩwaatʋ ndʋ eɖuwaa yɔ. (w16.04 7 § 12) Kɩlaŋ weyi Yɛftee nɛ ɛ-pɛlɛ palawa se pɩsa nɛ pɔɖɔ Yɛftee ɖuutu yɔɔ? (w16.04 7-8 § 14-16) Ðuutu ndʋ Krɩstʋ mba pɩzɩɣ nɛ poɖuu sɔnɔ?—w17.04 5-8 § 10-19.

Ñɩnɩ nɛ ŋna lɔŋ weyi kɛdaɣ ŋga kɛkpɛlɩkɩɣ-ŋ yɔ. Pɔzɩ ña-tɩ se:

• «Ɛbɛ pɩzɩɣ nɛ pɩsɩnɩ-m nɛ mɔnɖɔ ɖuutu ndʋ monɖuwaa se mɛnsɛɣ Yehowa tam yɔ tɩ-yɔɔ?» (w20.03 13 § 20)

• «Kɩlaŋ weyi manpɩzɩɣ nɛ malaa nɛ mɛnsɛɛ Yehowa kiya nɛ pɩkɩlɩ?»

• «Ɛbɛ pɩzɩɣ nɛ pɩsɩnɩ-m nɛ mɔnɖɔ ɖuutu ndʋ monɖuu me-nesi ɖɔkʋʋ wiye yɔ tɩ-yɔɔ?» (Mat. 19:​5, 6; Efɛz. 5:​28-33)