Salmu
97 Jeová dja bira Rei!
Pa téra fika kontenti.
Pa tudu ilha fika kontenti!
2 Na se vólta ten núvens i txeu sukuru.
I el ta governa ku justisa i el ta faze kel ki é rétu.*
3 Un lumi ta bai se dianti
I el ta kaba ku ses inimigu ki sta na se vólta.
4 Ses raiu ta límia mundu,
Téra ta odja kel-li i el ta kumesa ta treme.
5 Kes montanha ta derete sima sera* dianti di Jeová,
Dianti di Dónu di téra interu.
6 Séu ta pâpia di se justisa
I tudu povu ta odja se glória.
7 Pa tudu kes ki ta adora un imajen podu na vergónha,
Kes ki ta ingaba di ses deus ki ka ta sirbi pa nada.
Pa tudu deus inbaxa se dianti.*
9 Pamodi abo, ó Jeová, abo é kel Deus Más Grandi riba téra interu.
Bu sta na kel puzison más altu di ki tudu kes otu deus.
10 Nhos ki ta ama Jeová, nhos ôdia kel ki é mau.
11 Lus ta brilha pa kes algen justu,
I kes algen ki ten korason sinseru ta fika kontenti.
12 Nhos ki é justu, nhos fika kontenti pamodi kes kuza ki Jeová ta faze,
I nhos agradese pa se nómi santu.*