Folhetu di studu pa runion Vida i pregason — 2025 | julhu

28 DI JULHU TI 3 DI AGOSTU

PROVÉRBIOS 24

Kántiku 38 i orason | Komentárius pa kumesa runion (1 min.)

TIZORUS DI PALAVRA DI DEUS

1. Pripara pa aguenta ténpus difísil

(10 min.)

Ganha konhisimentu i sabedoria. (Pr 24:5; w23.07 p. 18 par. 15)

Kontinua ta faze kes kuza ki ta bira bu amizadi ku Jeová más fórti, ti mésmu óras ki bu sta dizanimadu. (Pr 24:10; w21.02 pp. 30-31 pars. 17-19)

Un bon amizadi ku Jeová ta djuda-nu rekupera forsa dipôs di pasa pa un ténpu difísil. (Pr 24:16; w20.12 p. 15)

Un irman ki tene un duénsa gravi, sta kontenti ta prega di kaza en kaza djuntu ku se amiga. Kel irman sta ta uza un tablet pa mostra un mudjer ki sta na pórta un kuza.

2. Jóias ki sta na Bíblia

(10 min.)

Pr 24:27 — Kuzê ki kel provérbiu li ta inxina-nu? (lvs p. 137 pars. 13-15)

Bu respósta
Ki jóias bu atxa na leitura di Bíblia di kel simana li?

Bu respósta

3. Leitura di Bíblia

(4 min.) Pr 24:1-20 (th studu 11)

FAZE BU MIDJÓR NA PREGASON

4. Kumesa ta pâpia ku pesoas

(2 min.) TISTIMUNHU INFORMAL. Konbérsu ta tirmina antis di bu konsigi da tistimunhu. (lmd lison 2, pontu 4)

5. Kumesa ta pâpia ku pesoas

(3 min.) KAZA EN KAZA. (lmd lison 3, pontu 4)

6. Kumesa ta pâpia ku pesoas

(3 min.) TISTIMUNHU PÚBLIKU. Pâpia ku kel algen sobri modi ki nu ta studa Bíblia ku pesoas i da-l un karton di kontatu di studu di Bíblia. (lmd lison 4, pontu 3)

7. Diskursu

(3 min.) lmd apéndisi 1, pontu 11 — Téma: Deus ta pâpia ku nos. (th studu 6)

VIVE SIMA UN KRISTON

Kántiku 99

8. Nu ta djuda kunpanheru na ténpus difísil

(15 min.) Diskursu i komentárius di ken ki sta sisti.

Prublémas sima duénsa ki ta spadja, dizastri na naturéza, revólta na país, géra ô pirsigison pode kontise dirapenti. Óras ki kes prubléma li kontise, kes irmon ku irmans ki fika prujudikadu ta djuda i inkoraja kunpanheru. Má sikrê kes kuza li ka kontise ku nos, nu ta xinti ses dór i nu ta faze nos midjór pa djuda-s. — 1Ko 12:25, 26.

Fotus: Tistimunhas di Jeová sta ta djuda ses irmons ku irmans di txeu manera. 1. Irmons ku irmans sta ta torna faze un Salon di Reinu ki fika distruídu pamodi un dizastri na naturéza. 2. Irmons ku irmans sta resebe un irman ku se fidju-fémia rafujiadu. 3. Un irman sta ta poi kontribuison na un kaxa di kontribuison na Salon di Reinu. 4. Irmons ku irmans sta ta da Tistimunhas di Jeová rafujiadu kes kuza ki es meste na un Salon di Reinu. 5. Un irmon ku un irman sta ta intrega garafas di agu. 6. Un irmon sta ta faze orason.

Lé 1 Reis 13:6 i Tiagu 5:16b. Dipôs faze kel pergunta li:

Pamodi ki kes orason ki sérvus di Deus ta faze pa otus algen ten txeu forsa?

Bu respósta

Lé Markus 12:42-44 i 2 Koríntius 8:1-4. Dipôs faze kel pergunta li:

Kes kontribuison pa trabadju na mundu interu ta djuda kes irmon ki sta pasa pa prubléma. Pamodi ki nu debe faze kontribuison sikrê nos é póbri i kel ki nu pode da é poku?

Bu respósta

Mostra VÍDIU Nu da irmons forsa na ténpu di pirsigison. Dipôs faze kes pergunta li:

Ki sakrifisius irmons faze ku amor pa djuda kes irmon ki ta viveba na kes lugar ki nos óbra staba proibidu?

Bu respósta
Modi ki nos irmons obi ku kel órdi di sta na runion i inkoraja kunpanheru, sikrê nos óbra staba proibidu? — Eb 10:24, 25.

Bu respósta