Salmu
137 Nu xinta djuntu di kes riu di Babilónia,
Nu txora kantu nu lenbra di Sion.
2 Nu prinda nos arpa,
Na kes arvi ki tinha la.*
3 La, kes algen ki leba-nu prézu pidi-nu pa nu kanta-s un kántiku,
Kes ki ta fazeba trósa di nos krê pa nu divirtiba es. Es fla:
“Nhos kanta-nu un di kes kántiku di Sion.”
4 Modi ki nu pode kanta un kántiku di Jeová
Na un país stranjeru?
5 Ó Jiruzalen, si N skese di bo,
Pa nha mô direita ka konsigi faze más nada.*
6 Pa nha língua pega na séu di bóka
Si N ka lenbra di bo,
Si Jiruzalen é ka kel kuza
Ki más ta dexa-m kontenti.
7 Ó Jeová, lenbra
Di kuzê ki kes edomita fla na dia ki Jiruzalen kai:
“Nhos distrui-l! Nhos distrui-l ti na ses alisérsi!”
8 Ó sidadi* di Babilónia, ka ta dura bu ta ben ser distruídu,
Filís é kel algen ki ta ben trata-u
Di mésmu manera ki bu trata-nu.
9 Filís é kel algen ki ta ben panha bus fidju
Ta da-s na rótxa i ta dispadasa-s.