Salmu
Pa diretor di múzika. Un múzika di Davidi. Kántiku.
68 Pa Deus labanta i pa ses inimigu spadjadu,
I pa tudu kes ki ta odia-l fuji di se dianti.
2 Pa bu kóre ku es, sima fumu ta bai na béntu,
Pa kes algen mau kabadu ku es dianti di Deus
Sima sera* ta derete na lumi.
3 Má pa kes algen justu fika kontenti,
Pa es fika kontenti dianti di Deus;
Pa es grita di alegria.
4 Nhos kanta pa Deus, nhos kanta lovor* pa se nómi.
Nhos kanta pa Kel ki ta kóre kabalu na kes lugar dizértu.*
Jeová* é se nómi! Nhos fika kontenti se dianti!
6 Deus ta da kes algen ki sta es sô un lugar pa es mora.
El ta liberta kes algen ki sta prézu i el ta djuda-s ten bons rezultadu na vida.
Má kes algen temozu* ten ki mora na un téra séku.
7 Ó Deus, kantu bu gia* bu povu,
Kantu bu anda na dizértu, (Selá)
9 Ó Deus, bu poi txeu txuba ta kai.
Bu da bu povu* forsa kantu es staba txeu kansadu.
10 Es mora na bu ténda.
Ó Deus, na bu bondadi, bu da kes algen póbri kes kuza ki es staba ta meste.
11 É Jeová ki ta da se povu órdi,
I kes mudjer ki ta pâpia di notísias sábi* é un izérsitu grandi.
12 Kes rei i ses izérsitu ta fuji, sin es ta fuji!
Kel mudjer ki fika na kaza ta resebe un párti di kes kuza ki tomadu na géra.
13 Enbóra nhos deta na meiu di kes fogera na ses kanpamentu,*
Nhos ta bira sima un ponba ku aza di prata,
I ku pónta di aza di oru finu.*
15 Montanha di Bazan é un montanha di Deus.
Montanha di Bazan ten txeu lugar altu.
16 Ó kes montanha altu, pamodi ki nhos sta ta djobe ku invéja
Pa kel monti ki Deus skodje* pa el mora?
Sin, Jeová ta ben mora la pa tudu ténpu.
17 Kes karu di géra di Deus é dizénas di milhar, es é txeu ki ka ta da pa konta.
Jeová ben di monti Sinai pa kel lugar santu.
18 Bu subi pa riba;
Bu leba alguns ómi prézu;
Bu toma ómis pa es ser sima prezenti,
Sin, ti mésmu kes ómi temozu, pa bu mora djuntu ku es, ó Jeová,* Deus.
19 Pa Jeová lovadu, pamodi tudu dia el ta karega nos karga,
El é Deus verdaderu i nos salvason. (Selá)
20 Kel Deus verdaderu é un Deus ki ta salva-nu.
Jeová, kel Sinhor Más Grandi, ta libra-nu di mórti.
21 Sin, Deus ta pila kabésa di ses inimigu,
El ta pila kabésa di tudu kel ki ta kontinua* ta peka.
22 Jeová fla: “N ta torna ben traze-s la di Bazan.
N ta torna ben traze-s la di fundu di mar,
23 Asi pa bu mete bu pé na sangi di bus inimigu
I pa bus katxor lenbe ses sangi.”
24 Ó Deus, es ta odja marxa di vitória di bu povu,
Kes marxa di nha Deus, nha Rei, ta entra na lugar santu.
25 Kes kantor ta bai na frenti, kes múziku ta bai ses tras ta toka kes instrumentu di kórda.
Na ses meiu sta kes minina ta toka tanbor.
26 Nhos lova Deus, djuntu ku un monti di algen.*
Nhos lova Jeová, nhos ki ben di Fonti di Israel.
27 La, Benjamin, kel fidju más pikinoti,* ta domina-s,*
Tanbê kes prínsipi di Judá djuntu ku un monti di algen ta grita di alegria,
Kes prínsipi di Zebulon, kes prínsipi di Naftali.
28 Bu Deus disidi da-u forsa.
Ó Deus, mostra bu forsa sima bu faze pa nos.
29 Kes rei ta ben traze-u prezenti,
Pa bu ténplu na Jiruzalen.
30 Kontrola kes animal selvajen ki ta vive na meiu di kes planta,*
Kes grupu* di toru i ses bizeru,
Ti ki kes povu inbaxa i traze* kes pésa di prata.
Má el ta spadja kes povu ki gosta di géra.
31 Pesoas ta traze kuzas di bronzi* la di Ijitu.
Kuxe ta kóre pa leba prezentis pa Deus.
32 Ó kes reinu di téra, nhos kanta pa Deus,
Nhos kanta lovor pa Jeová. (Selá)
33 Kanta pa kel ki ta kóre kabalu na kel séu más altu ki ta izisti désdi ténpu antigu.
Nhos obi! Se vós poderozu ta faze barudju sima strubada.
34 Nhos rekonhese forsa di Deus.
El ta governa Israel di un manera ki ta mostra se glória,
I se forsa sta na séu.*
35 Di se* lugar santu, Deus ta poi kalker algen ta ten grandi ruspetu pa el.
El é kel Deus di Israel,
Ki ta da se povu forsa i puder.
Pa Deus lovadu.