Jó
26 Jó responde:
2 “Bu ta atxa ma bu djuda un algen ki ka tene puder,
I ma bu salva un algen ki ka tene forsa?
3 Bu atxa ma bu da bon konsedju pa un algen ki ka ten sabedoria,
I ma bu mostra klaru* ma bu ten sabedoria?*
4 Ku kenha ki bu sta tenta pâpia,
I ken ki pô-u ta fla kes kuza li?*
5 Kes algen ki sta mortu* ta treme.
Es sta más baxu di ki mar i más baxu di ki tudu kuza ki ta vive na mar.
7 El stende séu di nórti* riba di vaziu,
El poi téra riba di nada.
8 El ta inbrudja agu na núvens,
I di kel manera li núvens ka ta rabenta pamodi ses pézu.
9 Deus ta stende se núven,
Asi el ta tapa se tronu.
10 El marka limiti di orizonti* riba di agu,
El poi un limiti entri lus i sukuru.
11 Kes pilar di séu treme,
Es ta fika spantadu óras ki Deus ta xatia.
12 Ku se puder, el ta poi mar ta fika brabu,
Ku se intendimentu, el ta dispadasa monstru di mar.*
14 Kes-li é sô alguns kuza ki el pode faze.
Kuzê ki nu obi sobri el é sô un vós baxinhu!
Nton, ken ki ta pode intende son fórti di se strubada?”