Primeru livru di Krónikas

4 Kes fidju di Judá éra Peres, Esron, Karmi, Ur i Sobal. 2 Reaías, fidju di Sobal, éra pai di Jate. Jate éra pai di Aumai i di Lade. Kes-li éra kes família di kes zoratita. 3 Kes-li éra kes fidju di pai* di Eton: Jesriel, Isma, Idibas (i ses irman txomaba Azelelponi). 4 Penuel éra pai di Jedor. Ezer éra pai di Uzá. Kes-li éra kes fidju di Ur. Ur éra primeru fidju di Efrata i pai di Belen. 5 Asur, pai di Tekoa, tevi dôs mudjer: Ela i Nará. 6 Nará tevi kes fidju li: Auzan, Éfer, Temeni i Astari. Kes-li éra kes fidju di Nará. 7 Kes fidju di Ela éra: Zerete, Izar i Etnan. 8 Kózi éra pai di Anube, di Zobeba i di kes família di Arel, fidju di Arun.

9 Jabês éra más ruspetadu di ki ses irmon. Se mai pô-l nómi di Jabês,* pamodi el fla: “É ku dór ki N tevi es mininu.” 10 Jabês ora pa Deus i el fla: “Pur favor, abensua-m i poi nha tiritóriu ta fika más grandi. Djuda-m i proteje-m di disgrasa pa N ka sufri ninhun mal!” Nton, Deus da-l kel ki el pidi.

11 Kelube, irmon di Suá, éra pai di Meir. Meir éra pai di Eston. 12 Eston éra pai di Bete-Rafa, di Pazeia i di Teína. Teína éra pai di Ir-Nás. Kes ómi li éra di Reka. 13 Kes fidju di Kenás éra Otniel i Seraías. Fidju* di Otniel éra Atate. 14 Meonotai éra pai di Ofra. Seraías éra pai di Joabe. Joabe éra pai di kes algen di Je-Arazin.* Es poi kel lugar kel nómi li pamodi kes algen di la éra artizon.

15 Kalebe éra fidju di Jefuné. Kes fidju di Kalebe éra Iru, Elá i Nan. Fidju* di Elá éra Kenás. 16 Kes fidju di Jealelel éra Zife, Zifa, Tiria i Azarel. 17 Kes fidju di Ezra éra Jeter, Merede, Efer i Jalon. Mudjer* di Merede fika grávida i el tevi Mirian, Samai i Isbá. Isbá éra pai di Estemoa. 18 Kes-li é kes fidju di Bitia, fidju-fémia di Faraó, ki kaza ku Merede. (I se mudjer, ki éra judia, tevi Jerede, Éber i Jekutiel. Jerede éra pai di Jedor. Éber éra pai di Sokó. Jekutiel éra pai di Zanoa.)

19 Mudjer di Odias éra irman di Naan. Mudjer di Odias éra mai di pai di Keila, kel garmita, i mai di pai di Estemoa, di Makate. 20 Kes fidju di Simon éra Amnon, Rina, Ben-Anan i Tilon. Kes fidju di Isi éra Zoete i Ben-Zoete.

21 Selá éra fidju di Judá. Kes fidju di Selá éra Er, pai di Leka, i Ladá éra pai di Maresa. Es ben di família di Asbeia, ki éra kes algen ki ta fazeba tisidu di bon kualidadi. 22 Kes ómi li tanbê éra família di Selá: Jokin, i kes algen di Kozeba; Joás i Sarafe (ki kaza ku kes mudjer moabita) i Jazubi-Lén. Kes informason li tradu di kes lista más antigu.* 23 Es éra oleru ki ta moraba na Netain i na Jedera. Es ta moraba la i es ta trabadjaba pa rei.

24 Kes fidju di Simion éra Nemuel, Jamin, Jaribe, Zerá i Saul. 25 Saul éra pai di Salun. Salun éra pai di Mibzon. Mibzon éra pai di Misma. 26 Misma tevi un fidju ki txomaba Amuel. Amuel éra pai di Zakur. Zakur éra pai di Simei. 27 Simei tevi 16 fidju matxu i 6 fidju-fémia. Má ses irmon ka tevi txeu fidju. I ninhun di ses família ka tevi tantu fidju sima kes otu ómi di Judá. 28 Es ta moraba na Berseba, Moladá, Azar-Sual, 29 Bila, Ezén, Tolade, 30 Betuel, Ormá, Ziklagi, 31 Bete-Markabote, Azar-Suzin, Bete-Birí i Sarain. Kes-li éra ses sidadi ti kel ténpu ki Davidi kumesa ta governa.

32 Tanbê es mora na sinku sidadi: Etan, Ain, Rimon, Tokén i Azan, 33 i kes vila ki ta fikaba pértu di kes sidadi li, ti Baal. Kes-li é lista di ses família i di kes lugar undi ki es ta moraba. 34 Mezobabe, Janleki, Joza, ki éra fidju di Amazias, 35 Juel, i Jeú, ki éra fidju di Jozibias. Jozibias éra fidju di Seraías. Seraías éra fidju di Aziel, 36 i Elioenai, Jakobá, Jezoaías, Azaías, Adiel, Jezimiel, Benaia, 37 i Ziza, fidju di Sifi. Sifi éra fidju di Alon. Alon éra fidju di Jedaías. Jedaías éra fidju di Sinri, i Sinri éra fidju di Semaías. 38 Kes ómi li ki fladu pa nómi, éra xéfi di ses grupu di família. Ses família ba ta bira kada bês más txeu. 39 I es bai ti entrada di Jedor, ti lésti di vali, ta djobe si tinha kumida pa ses ribanhu. 40 Dipôs, es atxa bon txon, xeiu di kumida. Kel zóna éra grandi, trankuilu i el tinha pas. Kes algen ki ta moraba la antis éra kes kamita. 41 Kes nómi li é di kes algen ki bai pa kel zóna la duránti govérnu di Ezekias, rei di Judá. Es distrui ténda di kes kamita i es mata kes meunin ki staba la. Es kaba ku kes algen di la. Ninhun sinal di es ka izisti ti dia di oji. Es fika ta mora la pamodi es atxa txeu kumida pa ses ribanhu.

42 Alguns di kes simonita bai pa kes zóna di montanha di Seir. Es éra 500 ómi i ken ki ta komandaba es éra Pelatias, Nearias, Refaías i Uziel, ki éra kes fidju di Isi. 43 Es mata kes amalekita ki resta i ki fuji pa la. É la ki es ta mora ti dia di oji.