Salmu

Nhos ki é sérvu di Jeová, nhos lova-l,

Nhos lova nómi di Jeová.

 2 Pa nómi di Jeová lovadu,

Gósi i pa tudu ténpu.

 3 Pa nómi di Jeová lovadu,

Di undi ki sol ta sai ti undi ki sol ta kanba.

 4 Jeová sta pa riba di tudu nason.

Se glória sta pa riba di séu.

 5 Ken ki é sima Jeová, nos Deus,

Kel ki ta mora* na kel séu más altu?

 6 El ta inbaxa pa el odja séu ku téra,

 7 El ta labanta kel algen umildi di txon.*

El ta labanta kel algen póbri di sinza*

 8 Pa el pô-l ta xinta djuntu ku kes algen inportanti,

Djuntu ku kes algen inportanti di se povu.

 9 El ta da un mudjer ki ka ta pode ten fidju un lugar di mora.

El ta da-l fidju i el ta pô-l ta ser un mai filís.