Salmu
94 Ó Jeová, Deus di vingansa,
Mostra ken ki bo é, kastiga kes algen mau.
2 Ó Juís di téra, labanta,
Da kes algen orgulhozu kel ki es merese.
3 Ó Jeová, ti ki ténpu ki algen mau ta kontinua kontenti?
Ti ki ténpu?
4 Kes kuza ki es ta fla ta mostra ma es é orgulhozu.
Tudu kes ki ta faze kuzas mariadu ta ingaba di es mê.
5 Ó Jeová, es ta pila bu povu,
I es ta maltrata bu eransa.
6 Es ta mata viúva i stranjeru ki ta vive na ses meiu,
I es ta mata kes mininu ki ka ten pai.*
7 Es ta fla: “Jeová* ka ta odja.
Deus di Jakó ka sabe kuzê ki sta ta kontise.”
8 Nhos ki ka ten juís, ki ténpu ki nhos ta intende kel-li?
Nhos ki é tolu, ki ténpu ki nhos ta mostra sabedoria?
9 Kel ki faze obidu ka ta pode obi?
Kel ki faze odju ka ta pode odja?
10 Kel ki ta koriji nasons, ka ta pode disiplina nhos?
É el ki ta da pesoas konhisimentu.
11 Jeová sabe kuzê ki algen ta pensa,
El sabe ma ses pensamentu ka ta pasa di un sinplis folgu.
12 Ó Jeová, filís é kel algen ki bu ta koriji,
I ki bu ta inxina bu lei,
13 Pa el pode fika trankuilu duránti ténpu di disgrasa,
Ti ki kes algen mau kai déntu di un kóba.
14 Pamodi Jeová ka ta dexa se povu dizanparadu,
Nen el ka ta bandona se eransa.
15 I kes juís ta ben toma disizon justu otu bês,
I kes algen di korason sinseru ta ben ruspeta kes disizon.
16 Ken ki ta ben labanta kóntra kes algen mau pa djuda-m?
Ken ki ta ben fika di nha ladu kóntra kes ki ta faze kuzas mariadu?
18 Ó Jeová, kantu N fla: “Nha pé sta ta skorega”,
Bu amor lial kontinua ta djuda-m.
20 Nunka bu ka ta trabadja djuntu ku kes governanti* koruptu,
Pamodi es ta uza lei pa ranja prubléma.
21 Es ta ataka kes algen justu di manera kruel
I es ta kondena kes algen inosenti pa móre.
22 Má Jeová ta ben bira un proteson suguru* pa mi,
Nha Deus é nha rótxa ki ta proteje-m.
23 El ta ben poi kes kuza mariadu ki es ta faze ta kai riba di es.
El ta ben uza ses própi maldadi pa kaba ku es.
Jeová, nos Deus, ta ben distrui-s.