PERGUNTA 6
Kuzê ki Bíblia dja flaba sobri Misías?
PROFESIA
‘Abo, ó Belen Efrata, . . . di bo ki ta ben sai pa mi kel ki ta ben ser governanti na Israel.’
Miqueias 5:2
KUNPRIMENTU
“Dipôs ki Jizus nase na Belen di Judea, na ténpu di rei Eródis, astrólugus ki ben di Orienti txiga na Jiruzalen.”
PROFESIA
‘Es ta reparti nhas ropa entri es i es ta bota sórti na nha ropa.’
Salmo 22:18
KUNPRIMENTU
“Kantu kes trópa prega Jizus na staka, es panha se ropa i es dividi na kuatu párti. . . Má kel ropa ki el staba ta uza dibaxu ka tinha kustura, pamodi el éra tesedu di riba pa baxu. Nton, es fla kunpanheru: ‘Ka nu ratxa-l, má nu bota sórti pa nu disidi kenha ki ta fika ku el.’”
PROFESIA
‘El ta proteje tudu ses osu; ninhun di es ka kebradu.’
Salmo 34:20
KUNPRIMENTU
“Kantu es txiga na Jizus, es odja ma dja el staba mortu, pur isu es ka kebra-l pérna.”
PROFESIA
‘El dadu ku lansa pamodi nos pekadu.’
Isaías 53:5
KUNPRIMENTU
“Un di kes trópa fra-l na ladu ku un lansa, i kel óra sai sangi ku agu.”
PROFESIA
‘Es paga-m 30 pésa di prata.’
Zacarias 11:12, 13
KUNPRIMENTU
“Nton, un di kes Dozi, ki txomaba Judas Iskariótis, bai na kes xéfi di saserdótis i el fla-s: ‘Kuzê ki nhos ta da-m pa N intrega nhos el?’ Es fla-l ma es ta daba el 30 muéda di prata.”