PERGUNTA 17
Modi ki Bíblia pode djuda bu família?
MARIDU/PAI
“Di mésmu manera, maridu debe ama se mudjer sima el ta ama se própi korpu. Ómi ki ta ama se mudjer ta ama se kabésa, pamodi ninhun ómi nunka ka ôdia se própi korpu. Má el ta da-l kumida i el ta kuida di el. . . Pa kada un di nhos ama se mudjer sima el ta ama se kabésa.”
“Anhos ki é pai, ka nhos irita nhos fidjus, má nhos kontinua ta kria-s di akordu ku disiplina i konsedju di Jeová.”
MUDJER
“Mudjer debe ruspeta se maridu di korason.”
“Mudjer, obi ku bu maridu sima sigidoris di Sinhor debe faze.”
FIDJUS
“Fidjus, nhos obi ku nhos pai i ku nhos mai sima Sinhor ta krê, pamodi kel-li é justu. ‘Onra bu pai ku bu mai.’ Kel-li é primeru mandamentu ki dadu djuntu ku un promésa: ‘Pa tudu kuza kóre dretu ku bo i pa bu kontinua txeu ténpu na téra.’”
“Fidjus, nhos obi ku nhos pai i ku nhos mai na tudu kuza, pamodi kel-li ta poi Sinhor kontenti.”