Intruduson

12 kuza ki ta djuda famílias ser filís

Nu ta obi ta fladu txeu sobri kes prubléma ki ta kaba ku famílias. Má ten kuzas ki djuda alguns família ser filís?

• Di anus 1990 ti 2015, nunbru di kes algen ki divôrsia na Mérka omenta dôs bês más txeu pa kes algen ki ten más di 50 anu di idadi i el omenta três bês más txeu pa kes algen ki ten más di 65 anu.

• Pai ku mai sta dizorientadu: Alguns algen ki ta faze piskiza sobri kel asuntu li ta fla ma pai ku mai debe ilôjia ses fidju tudu óra. Má otus ta fla ma pai ku mai debe da ses fidju un idukason duru.

• Jóvens sta ta bira adultu antis di es ten kes kapasidadi ki es ta ba meste pa es pode ten bons rezultadu.

Má simé, nu sabe ma. . .

• Kazamentu pode traze txeu alegria i dura pa tudu ténpu di vida di un kazal.

• Pai ku mai pode prende disiplina ses fidju ku amor.

• Jóvens pode dizenvolve kes kapasidadi ki es ta ba meste óras ki es bira grandi.

Má modi? Kel revista li ta ben pâpia di 12 kuza inportanti ki ta djuda famílias ser filís.