Bu ta seta faze vontadi di Jeová?

Obrigadu pa ténpu ki bu tra pa lé es folhetu pa bu konxe midjór ken ki é Tistimunhas di Jeová. Gósi dja bu sabe más di nos atividadis i dja bu odja modi ki nos organizason ta trabadja. Nu ta spéra ma es publikason djuda-u sabe ma é nos ki sta ta faze vontadi di Jeová gósi. Nu ta fla-u: midjór kuza ki bu pode faze é kontínua ta prende sobri Deus. Pâpia ku bus família i amigus di kuzê ki bu sta ta prende i sénpri sisti runion ku nos. — Hebreus 10:23-25.

Bu ta ben ntende ma sima bu ta ba ta prende di Jeová, más bu ta odja modi ki el ten un grandi amor pa bo. Nton bu ta xinti gana di faze tudu kel ki bu pode pa mostra bu amor pa el. (1 João 4:8-10, 19) Na bu dia-dia modi ki bu pode mostra ma bu ta ama Jeová? Pamodi ki é bon pa bu obi i faze sima Deus krê? Kuzê ki pode djuda-u krê faze vontadi di Jeová djuntu ku nos? Kel algen ki sta ta studa Bíblia ku bo ta fika kontenti di djuda-u atxa respóstas pa kes pergunta li. Asi bo ku bu família pode ‘kontínua na amor di Deus, ku xintidu na vida itérnu’. — Judas 21.

Pa bu kontinua ta faze prugrésu na kaminhu di verdadi, nu ta konvida-u pa bu studa livru “Kontinua ta ama Deus ”.