Nu resebe otus ku amor

1. Jeová ta trata dretu kalker algen,

Sen diferénsa, sen skese di ningen.

El ta poi sól ta sai

I faze txuba kai

Pa algen bon i ti mau tanbê.

I óras ki nu sforsa pa imita-l,

Nu ta ser sima fidjus ki t’agrada-l.

Jeová, nos Kriador,

T’abênsua‿i da valor

Si nu resebe otus ku‿amor.

2. Nu ta anima otus ses korason

Si nu ta resebe-s i da-s atenson.

Pa kes ki meste más,

Nos mô nu ta longa-s,

Nos tétu pode da-s proteson.

Nu krê ser sima Lídia i mostra‿amor,

Resebe otus dretu ku nos midjór.

Si nu ta faze si,

Nos Pai Jeová ta ri

I el ta rekonpensa kel-li.