Rezolve prublémas ku otus
Óras ki un algen ta ofende-nu, pamodi ki nu ka debe fika ku raiba ô ku vontadi di vinga?
Pr 20:22; 24:29; Ro 12:17, 18; Tg 1:19, 20; 1Pe 3:8, 9
Izénplus di Bíblia ki pode djuda-u:
1Sa 25:9-13, 23-35 — Kantu Nabal insulta Davidi i se ómis i el nega djuda-s, Davidi disidi mata ael ku kes ómi di se kaza. Má kel bon konsedju di Abigail djuda Davidi ivita kulpa di sangi.
Pr 24:17-20 — Ku orientason di Deus, Rei Salumon fla povu ma Jeová ka krê pa nu fika kontenti óras ki nos inimigus ta sufri, i nu ta kunfia ma Jeová ta ben julga kes algen mau.
Si un kriston tene prubléma ku algen, el debe ivita pâpia ku el ô dexa di ser se amigu?
Le 19:17, 18; 1Ko 13:4, 5; Ef 4:26
Izénplu di Bíblia ki pode djuda-u:
Mt 5:23, 24 — Jizus splika ma nu debe faze tudu kel ki nu pode pa faze pas ku un irmon ki ten algun kuza kóntra nos.