Lista di asuntus

Óras ki nu sta xinti kansadu pamodi prublémas di vida, kuzê ki nu pode faze? Kel studu li ta ben pâpia di testu di anu pa 2018. Tanbê, el ta ben mostra pamodi ki nu meste dexa Jeová djuda-nu i modi ki el ta faze-l.

Es anu, Komemorason di mórti di Kristu ta ben fazedu sábadu, dia 31 di marsu di 2018. Modi ki nu pode pripara désdi gósi pa Komemorason? Kuzê ki nu ta ganha na sisti Komemorason? Modi ki Komemorason ki ta fazedu tudu anu ta djuda povu di Jeová fika unidu na mundu interu? Bu ta atxa respóstas na es artigu di studu.

Tudu kel ki nu ten é Jeová ki da-nu. Má simé, el ta spéra pa nu faze kontribuisons pa apoia trabadju ki se organizason sta ta faze oji. Asuntu di kel studu li, ta ben splika pamodi ki nu debe onra Jeová ku kuzas di valor ki nu ten i bensons ki nu ta resebe si nu faze kel-li.

Primeru artigu di kel studu li, ta mostra ma amor di verdadi ta ben di Deus. Kel tipu di amor li é diferenti di amor falsu ki nu sta ta odja na es ‘ténpu di fin’. (2 Tim. 3:1) Kel sugundu artigu di studu ta mostra ma manera di ser di pesoas na es ténpu di fin é mutu diferenti di kualidadis ki povu di Deus ten.