Si un mininu abri pórta

Si é un mininu ki abri pórta, nu debe pidi-l pa el txoma se pai ô se mai pa nu pâpia ku el. Faze si ta mostra ruspetu pa ken ki é responsável pa el. (Pr 6:20) Si kel mininu konvida-nu pa nu entra, nu ka debe entra. Si se pai ô se mai ka ta pode pâpia ku nos na kel momentu, nu debe bai otu óra.

Si kel mininu dja sta grandinhu, talvês un adulesenti, simé nu debe pidi-l pa el txoma se pai ô se mai. Si es ka ta pode na kel óra, nu pode pergunta-l si ka ten prubléma dexa-l ku un publikason. Si ka ten prubléma, nu pode oferese-l un publikason i talvês mostra-l nos site jw.org.

Óras ki nu ta faze revizita pa un jóven ki mostra interesi, nu debe pidi-l pa el mostra-nu se pai ku se mai. Kel-li ta da-nu xansi di splika obijetivu di nos vizita i mostra kes konsedju di kunfiansa ki Bíblia ta da pa famílias. (Sal 119:86, 138) Óras ki nu ta mostra ruspetu i konsiderason pa se pai ku se mai, nu ta da bon tistimunhu i ta da-nu más oportunidadis di pâpia di notísias sábi ku kel família. – 1Pe 2:12.