Izénplu di un karta

• Uza bu própi nderésu pa kel algen pode responde-u. Si bu atxa ma é ka bon da-l bu própi nderésu, bu pode uza nderésu di Salon di Reinu ku autorizason di ansions. Má, NUNKA bu ka debe poi nderésu di skritóriu di filial pa kel algen responde-u.

• Uza nómi di kel algen, si bu sabe se nómi. Asi el ta odja ma kel karta é ka ninhun publisidadi di nogósiu.

• Djobe si bu skrebe dretu, di akordu ku régras di gramátika i di pontuason. Karta ka debe sta marlotadu nen suju, má el debe sta linpu. Si bu skrebe-l ku mô, kes létra debe ser klaru i faxi di lé. Uza palavras ki ta mostra ruspetu má ka sériu dimás nen ku palavras konplikadu.

Kel karta li é un izénplu ki ta mostra modi ki nu ta sigi kes orientason ki sta di riba. Má bu ka meste kôpia palavra pa palavra tudu bês ki bu skrebe pa un algen na bu tiritóriu. Skrebe bu karta di akordu ku bu obijetivu, situason i kustumu di lugar undi bu ta vive.