Bon konportamentu i ruspetu di korason ta faze diferénsa

Óras ki un mudjer ta seta verdadi, se bon konportamentu txeu bês pode djuda se maridu bira un kriston. Má pa kel-li kontise, alvês kel mudjer ten ki aguenta prublémas difísil pa txeu anu. (1Pe 2:21-23; 3:1, 2) Si bu sta ta sufri algun injustisa, kontinua ta faze kuzas dretu pa bu vense mal. (Ro 12:21) Bu bon izénplu pode fala mutu más altu di ki bus palavra.

Tenta ntende kuzê ki bu maridu ta pensa sobri un asuntu. (Fil 2:3, 4) Poi na se lugar i mostra-l konpaxon. Faze bu midjór pa bu kunpri bu responsabilidadi di un mudjer kazadu. Sta sénpri prontu pa obi. (Tg 1:19) Ten paxénxa i mostra bu maridu ma bu ta ama-l. Sikrê bu maridu nunka ka mostra-u kel mésmu tipu di bondadi i ruspetu, bu pode ten sertéza ma Jeová ta da valor pa kel bon izénplu ki bu ta da. — 1Pe 2:19, 20.

ODJA VÍDIU JEOVÁ TA DA-NU FORSA PA NU KAREGA NOS KARGA. DIPÔS RESPONDE KES PERGUNTA LI:

• Modi ki éra vida di Grace Li na komésu di se kazamentu?

• Kuzê ki pô-l ta seta verdadi di Bíblia?

• Ki prublémas ki el pasa dipôs ki el batiza? Má kuzê ki el kontinua ta faze?

• Kuzê ki el pidi na orason?

• Ki bensons irman Grace resebe pamodi se bon konportamentu i ruspetu di korason?