Imita Juzé i fuji di konportamentu seksual mariadu

Si bu sta pasa pa tentason pa faze konportamentu seksual mariadu, kel bon izénplu di Juzé pode djuda-u. Tudu bês ki mudjer di Putifar ta flaba Juzé pa deta ku el, Juzé ka ta setaba. (Gén 39:7-10) Kantu Juzé responde: ‘Modi ki N pode faze es grandi maldadi i peka kóntra Deus?’, el mostra ma el sabia ma pa Jeová, relason seksual debe ser sô entri kes algen ki sta kazadu. Dipôs, kantu kel situason fika más difísil, Juzé fuji envês di fika la i dexa mudjer di Putifar konvense-l pa faze kuza mariadu. — Gén 39:12; 1Co 6:18.

ODJA VÍDIU FUJI DI KONPORTAMENTU SEKSUAL MARIADU. DIPÔS RESPONDE KES PERGUNTA LI:

• 

  Ki situason Jay pasa pa el?

• 

  Kuzê ki Jay pensa kantu ki Melissa pidi-l pa el djuda-l ku se trabadju di kaza di matimátika?

• Modi ki Jay xinti ku kuzê ki Melissa pidi-l?

• 

  Modi ki Jay djudadu?

• 

  Kuzê ki Jay faze pa fuji di konportamentu seksual mariadu?

• Ki lisons bu prende di kel vídiu li?