TIZORUS DI PALAVRA DI DEUS | GÉNESIS 40-41
Jeová kaba ku sufrimentu di Juzé
Juzé sufri duránti uns 13 anu. El éra skravu i el podu prézu. Má Jeová ben kaba ku se sufrimentu. Envês di el bira un algen marguradu, Juzé prende ku kes kuza ki el pasa pa es. (Sal 105:17-19) El sabia ma Jeová nunka ka ta bandonaba el. Sikrê ku txeu prubléma, modi ki Juzé faze se midjór na situason ki el staba?
El éra trabadjador i un algen di kunfiansa. Pur isu, Jeová abênsua kes kuza ki el ta fazeba. — Gén 39:21, 22.
El ta mostraba bondadi pa otus algen, envês di vinga di kenha ki trata-l mariadu. — Gén 40:5-7.
Modi ki izénplu di Juzé pode djuda-m ka dizisti mésmu óras ki N sta pasa pa algun prubléma?
Ti ki Jeová ben kaba ku nha sufrimentu na Armajedon, modi ki N pode faze nha midjór?