Da valor pa bu amizadi ku Jeová

Tistimunhas di Jeová ten un priviléjiu grandi. Dja ki nu da nos vida pa Jeová i nu batiza nu pode ser se amigus. Pur isu, nu ten ki kontinua ta omenta nos amizadi ku Jeová, kel Sinhor Más Grandi. El uza se Fidju pa atrai-nu pa el. (Jo 6:44) I el ta obi nos orason. — Sal 34:15.

Modi ki nu pode proteje nos amizadi ku Jeová ki ten txeu valor pa nos? Un kuza inportanti é ka faze kes kuza mariadu ki israelitas faze. Jeová faze un kontratu ku israelitas ki ta daba es xansi di ten un amizadi spesial ku el. Má poku ténpu dipôs es faze un bixéru di oru i es kumesa ta adora-l. (Êx 32:7, 8; 1Co 10:7, 11, 14) Nu pode pergunta nos kabésa: ‘Kuzê ki N ta faze óras ki N xinti vontadi di faze un kuza mariadu? Kes kuza ki N ta faze ta mostra ma N ta da valor pa nha amizadi ku Jeová?’ Óras ki nu ta ama nos Pai na Séu di tudu korason, nu ta fika lonji di kes kuza ki el ta ôdia. — Sal 97:10.

ODJA VÍDIU PROTEJE BU AMIZADI KU JEOVÁ (COL. 3:5). DIPÔS RESPONDE KES PERGUNTA LI:

• Kuzê ki é kubisa?

• Pamodi ki nu debe ivita ganánsia i idolatria?

• Kuzê ki adultériu i idolatria ten aver ku kunpanheru?

• Pamodi ki un irmon ki ten responsabilidadi na organizason meste da más atenson inda pa se mudjer?