Bu ten fé?

Pa nu agrada Jeová nu meste ten fé. Má Bíblia ta fla ma “é ka tudu algen ki ten fé.” (2 Tes. 3:2) Apóstlu Paulu staba ta pâpia di kes algen “mau i runhu” ki staba ta pirsigi-l. Má kel ki el fla sobri fé tanbê ta aplika na otus algen. Alguns algen ka ta krê seta ma ta izisti un Deus ki é Kriador di tudu kuza. (Rom. 1:20) Otus ta fla ma es ta kridita na algun kuza ô na un algen txeu poderozu. Má sô kel-li ka ta txiga pa nu agrada Jeová.

Nu meste ten serteza ma Jeová ta izisti i ma el ta “rekonpensa” kes ki ten fé fórti na el. (Ebr. 11:6) Fé ta faze párti di frutu di spritu santu di Deus. Nu pode pidi na orason pa Jeová da-nu se spritu santu. (Luk. 11:9, 10, 13) Jeová uza se spritu santu pa orienta kes skritor di Bíblia. Pur isu, un otu manera di nu ten spritu santu di Deus é lé Bíblia. Dipôs, nu pode pensa na kuzê ki nu lé i tenta faze kel ki nu prende. Óras ki nu ta faze kel-li, nu ta dexa spritu santu di Jeová djuda-nu vive di un manera ki ta mostra ma nu ten kel fé di verdadi ki ta agrada-l.