Da “ajuda spritual”

Nu ta xinti inkorajadu óras ki nu ta pasa ténpu ku nos irmons ku irmans. Má kel inkorajamentu li é más di ki sô pasa ténpu djuntu. Bíblia ta txoma kel kapasidadi ki nu ten di bira fé di kunpanheru más fórti di “ajuda spritual”. (Rom. 1:11, 12) Modi ki nu pode da ajuda spritual?

Inkoraja otus algen ku kuzas ki bu ta fla. Pur izénplu, nu pode da komentáriu na runion ki ta konsentra na Jeová, na se Palavra i na pesoas, envês di konsentra na nos mê. Óras ki nu sta djuntu ku nos irmons ku irmans, nu pode skodje pâpia di kuzas ki ta poi ses fé ta bira más fórti.

Inkoraja otus algen através di bus disizon i di kuzas ki bu ta faze. Pur izénplu, otus algen pode odja ma bu disidi kontinua na sirvisu pa ténpu interu sikrê é ka fásil pa bo i kel-li pode inkoraja-s. Ô es pode odja ma sénpri bu ta sisti runion di meiu di simana, enbóra bu ten prublémas di saúdi ô bu sta kansadu dipôs di un dia di trabadju.

Bu sta inkoraja bus irmon ku irmans ku kuzas ki bu ta fla i ki bu ta faze? I bu ta repara óras ki bus irmon ku irmans ta fla i es ta faze kuzas ki ta inkoraja-u?