Kantu Adon ku Eva obi ku Satanás — kuzê ki kontise?

Adon ku Eva ka obi ku Deus, é pamô kel-li ki es móre. Génesis 3:6, 23

Eva obi ku kel kóbra i el kume kel fruta. Dipôs Eva da Adon tanbê pa kume.

Kuza ki es faze éra mariadu — éra pekadu. Deus pô-s fóra di Paraízu.

Vida bira difísil pa es ku ses fidju. Adon ku Eva bira bédju i es móre. Es ka bai pa Séu; má es dexa di izisti.

Mortus ka ten vida, es é sima pó di téra. Génesis 3:19

Nos tudu nu ta móre, pamodi nos é fidju di Adon ku Eva. Ken ki dja móre ka ta pode odja, nen obi, nen faze nada. — Eclesiastes 9:5, 6, 10.

Jeová ka kreba pa algen móre. Ka ta dura, el ta ben da vida otu bês pa kes algen ki dja móre. Si es obi ku Deus es ta ben vive pa tudu ténpu.