Intruduson di párti 2

Pamodi ki Jeová traze un dilúviu pa distrui mundu na kel ténpu? Géra entri ben ku mal kumesa sédu na stória di ómi. Alguns algen skodje ladu di mal, sima Adon ku Eva i ses fidju Kain. Má otus algen skodje ladu di ben, sima Abel ku Nué. Kuazi tudu algen na kel ténpu fika ta faze sô kuzas mariadu ti ki Jeová disidi kaba ku kel mundu mau. Kel párti li ta ben djuda-nu prende ma Jeová ta odja ki ladu ki nu ta skodje i ma nunka el ka ta dexa mal ganha ben.