Intruduson di párti 8

Jeová abênsua Salumon ku txeu sabedoria i el da-l priviléjiu di faze ténplu. Má poku-poku el dexa di sirbi Jeová. Si bo é pai ô mai, splika bu fidju modi ki kes algen ki ta adoraba deus falsu poi Salumon dexa di sirbi Deus. Reinu divididu i reis mau poi povu ta fika kóntra Jeová i ta adora imajis. Duránti kel ténpu la, povu pirsigi i mata txeu proféta lial di Jeová. Rainha Jizabel poi reinu di nórti ta fika inda más kóntra Jeová. Foi un ténpu difísil na stória di Israel. Má inda tinha txeu sérvu fiel di Jeová na meiu di kes israelita. Dôs di es éra Rei Jeozafá i proféta Elias.