KÁNTIKU 74
Ben kanta múzika di Reinu!
(Salmo 98:1 )
1. Nu kanta djuntu‿es múzika di Reinu,
Ki pa Jeová ta traze txeu lovor.
É un kantiga sábi di speransa,
Ma ta ben ten un mundu más midjór.
(KORU)
Ben da lovor pa Jeová!
Se Fidju‿é Rei, na Séu el sta.
Ben prende faxi‿es múzika di Reinu,
Ben lova nómi di nos Kriador!
2. Notísias sábi nu ta kanta djuntu:
Jizus ta ben governa la di Séu;
El ku skodjedus ta governa mundu,
Es ki ta erda Reinu di nos Deus.
(KORU)
Ben da lovor pa Jeová!
Se Fidju‿é Rei, na Séu el sta.
Ben prende faxi‿es múzika di Reinu,
Ben lova nómi di nos Kriador!
3. Algen umildi sta ta prende faxi,
Es sta konvida monti di algen,
Pa prende kanta es mensaji sábi.
Di tudu kantu mansus sta ta ben.
(KORU)
Ben da lovor pa Jeová!
Se Fidju‿é Rei, na Séu el sta.
Ben prende faxi‿es múzika di Reinu,
Ben lova nómi di nos Kriador!
(Odja tanbê Sal. 95:6; 1 Ped. 2:9, 10; Apo. 12:10.)